მუნიციპალიტეტის საკრებულომ სათამაშო ბიზნესზე მოსაკრებელი დააწესა
დღეს გამართულ საკრებულოს სხდომაზე საკრებულოს წევრებმა დრის წესრიგით გათვალისწინებულ 3 საკითხს უყყარეს კენჭი.
განკარგულების პროექტის თანახმად საკრებულომ მუნიციპალიტეტის გამგებელს თანხმობა მისცა მტირალა-ყოროლისთავის წყალსადენის მოწყობის მე-2 ეტაპის შესყიდვისათვის ხელშეკრულების გასაფორმებლად.
დღესვე სხდომაზე დამტკიცდა განკარგულების პროექტი ხელვაჩაურის მუნიციპალიტეტში სათამაშო ბიზნესის მოსაკრებლის შემოღების შესახებ და მოსაკრებელი დადგინდა შემდეგი ოდენობით.
1.თითოეულ სამორინე მაგიდაზე - 23 000 ლარი კვარტალში.
2. თითოეულ სათამაშო აპარატზე - 2 400 ლარი.
3. თითოეულ წამახალისებელ გათამაშებაზე - საპრიზო ფონდის 10 %.
4. სისტემურ-ელექტრონული ფორმის თამაშობაზე 250 000 ლარი კვარტალში.
5. აზარტული ან მომგებიანი თამაშობის მოწყობის ნებართვით ორგანიზებული ობიექტების გარეთ განთავსებული, სისტემურ-ელექტრონული ფორმით მოწყობილი აზარტული და მომგებიანი თამაშის თითოეულ სალაროზე - 6000 ლარი კვარტალში.
6. თითოეული კლუბის მაგიდაზე 6000 ლარი კვარტალში.
სხდომას 19 დეპუტატი ესწრებოდა.
